ពេលដែលត្រូវធ្វើការ…
អ្នកធ្លាប់ដឹងទេថា រាងការរបស់អ្នកក៏មានពេលវេលាដែរ ។ ឥឡូវនេះ យើងមកពិនិត្យមើលទាំងអស់គ្នាថា ពេលវេលាណាដែលរាងកាយសមស្របនឹងប្រកបការងារ ? ពីម៉ោង 6.00-12.00 ជាពេលវេលាដែលខួរក្បាល និង រាងកាយកម្រើកខ្លួនច្រើនបំផុតក្នុងមួយថ្ងៃ ព្រោះបានសម្រាកយ៉ាងពេញទំហឹងកាលពីយប់ ។ ដូចនេះ ជាពេលវេលាសមស្របបំផុតនឹងធ្វើការងារសំខាន់ ឬ ការងារដែលត្រូវសម្រេចចិត្ត ដូចជាការប្រជុំ ការចរចាជាមួយអតិថិជន និង ការចុះហត្ថលេខាផ្សេងៗជាដើម ។គេនិយាយថា នៅពេលព្រឹកព្រលឹមនៃថ្ងៃ គឺអំឡុងម៉ោង 6.00-8.00 ថែមទាំងសមស្របនឹងការរួមរ័កទៀតផង ព្រោះបុរសនឹងហូរចេញអ័រម៉ូនភេទច្រើនបំផុតក្នុងអំឡុងពេលនេះ ។ ពីម៉ោង 13.00-15.00 ក្រោយពេលអាហារថ្ងៃត្រង់ រហូតដល់ពេលរសៀលជ្រេបន្តិច រាងកាយ
នឹងចាប់ផ្ដើមធ្វើការយឺតទៅៗ ជាពិសេស ខួរក្បាលជាហេតុធ្វើឲ្យមនុស្សភាគច្រើន មានអារម្មណ៍ងងុយដេក ។ ការដេកលក់មួយស្រឡេត អាចជួយហៅថាមពលឲ្យត្រឡប់មកវិញបានខ្លះ ឬ ក៏ក្រេបតែឱសថបុរាណក្ដៅៗ នឹងជួយប្រមូលសមាធិ និង ភាពស្រស់ថ្លា ។ ពេលវេលានេះ សមស្របនឹងការងារស្រាលៗ មិនចាំបាច់គិតច្រើន សម្រាកខួរក្បាលជារយៈៗ នឹងកាត់បន្ថយភាពតានតឹងបាន ។ 16.00-19.00 ក្នុងអំឡុងពេលនេះខួរក្បាលនឹងត្រឡប់មករកភាពកម្រើកខ្លួនម្ដងទៀត សាច់ដុំផ្សេងៗក្នុងរាងកាយបានត្រៀមលក្ខណៈធ្វើការកម្រើកចលនា ។ ដូចនេះ ពេលវេលានេះ សមស្របនឹងការលេងកីឡា ឬ ហាត់ប្រាណ ព្រោះនឹងធ្វើឲ្យមានប្រសិទ្ធិភាពច្រើនបំផុត ។ 20.00-05.00 ជាអំឡុងពេលនៃការសម្រាក បើទោះជាអ្នកអាចទៅជួបជុំមិត្តភក្តិ ផឹកស៊ី មើលកុន ស្ដាប់ចម្រៀង អាចសៀវភៅ ។ល។ ក៏ដោយក៏គួរបែងចែកពេលវេលាសម្រាក ឲ្យបានគ្រប់គ្រាន់ កុំឲ្យប៉ះពាល់ដល់ពេលវេលាដេកពួនឲ្យសោះ ។
01.00-03.00 ជាពេលវេលាដែលមិនគួរធ្វើកិច្ចការផ្សងគ្រោះថ្នាក់ ដូចជាការបើកបរ ឬ ប្រើគ្រឿងចក្រ ព្រោះសមត្ថភាពរបស់រាងកាយ នឹងថយចុះយ៉ាងខ្លាំង ដោយសារតែការអស់កម្លាំង ល្ហិតល្ហៃ និង ត្រូវការសម្រាក ។ អ្នកអាចមានគ្រោះថ្នាក់បាន ដូចនេះត្រូវប្រយ័ត្ន ។
<!– –>
ប្រវត្តិនៃសេចក្ដីស្រឡាញ់…
កាលដើមឡើយមាន ការស្រឡាញ់ មាន ក្រ រីករាយ ទុក្ខព្រួយ ច្រណែន ប្រច័ណ្ឌ រស់នៅលើកោះដ៏សែនសុខសាន្តមួយ ។ ថ្ងៃមួយផែនដីប្រកាសថា កោះសុខសាន្តនឹងលិច សូមអ្នកទាំងអស់គ្នាចាកចេញឲ្យឆាប់រហ័យសបំផុត ។ មាន ក្រ រីករាយ ទុក្ខព្រួយ ច្រណែន ប្រច័ណ្ឌ សុទ្ធតែមានឧបករណ៍ចម្លងរៀងខ្លួន លើកលែងតែការស្រឡាញ់ ដែលកំពុងភ័យស្វែងរកជំនួយព្រោះកោះលិចកាន់តែលឿនទៅៗ ។ ខណៈពេលនោះ ការស្រឡាញ់ឃើញសំពៅរបស់ មាន ជឹះកាត់ ក៏ស្រែកសួរ « បងមាន… សូមជួយចម្លងខ្ញុំផងបានទេ ?» មានបានឆ្លើយថា «ទេទេ! សំពៅខ្ញុំពោរពេញទៅដោយទ្រព្យសម្បត្តិ គ្មានចន្លោះណាសម្រាប់បងទេ!» ហើយ មានក៏ជិះហួសបាត់ទៅ ។ មួយសន្ទុះក្រោយមក ក្រ ក៏បណ្ដែតក្បូនមក ការស្រឡាញ់ ឃើញក៏ស្រែកអង្វរ «បង ក្រ … សូមជួយចម្លងខ្ញុំផងបានទេ ពេលនេះកោះលិចផុតជើងខ្ញុំហើយ!» ក្រ «សូមទោស! កន្លែងខ្ញុំចង្អៀតណាស់ គ្មានចន្លោះណាដឹកបងទេ!» រួច ក្រ ក៏ជិះហួសបាត់ទៅ ។ រីករាយ ទុក្ខព្រួយ ច្រណែន ប្រច័ណ្ឌ មកជាបន្តបន្ទាប់ ប៉ុន្តែម្នាក់រវល់តែសប្បាយក្អាកក្អាយ ម្នាក់ទៀតរវល់តែកើតទុក្ខ ឈ្ងោកមុខមិនបានលឺការស្រឡាញ់ស្រែកហៅទេ ។ ចំណែក ច្រណែន ប្រច័ណ្ឌ ពួកគេមិនឲ្យការស្រឡាញ់ទៅជាមួយទេ ព្រោះ ការស្រឡាញ់គឺជាសត្រូវរបស់ ពួកគេ ។ ទឹកលិចកាន់តែជ្រៅទៅៗ ត្រឹមចង្កេះ ត្រឹមទ្រូងរបស់ការស្រឡាញ់ហើយ… ការស្រឡាញ់គិតថា គេនឹងគ្មានជីវិតរស់នៅបាននោះទេ គេរំលឹករឿងគ្រប់បែបយ៉ាងកាលពីរស់នៅ
លើកោះសុខសាន្តជាមួយគ្នា គឺពួកគេទាំងអស់គ្នាសុទ្ធតែត្រូវការ ការស្រឡាញ់ទាំងអស់គ្នា ហេតុអ្វីបានជាពេលមានអាសន្នពួកគេធ្វើបែបនេះទៅវិញ ។ ការស្រឡាញ់អស់សង្ឃឹមខ្លាំងណាស់ ទឹកភ្នែករលីងរលោងរៀបនឹងស្រក់ចុះមក ឯទឹកក៏រៀបលិចជិតផុតរូបគេទៀត ស្រាប់តែមានដៃមួយមកចាប់ទាញដៃការស្រឡាញ់យ៉ាងណែន ហើយនិយាយថា បងអាចទៅជាមួយខ្ញុំបាន ខ្ញុំនឹងជួយចម្លងបង ការពារបងឆ្លងទៅដល់ត្រើយសុខសាន្តម្ខាងទៀត ។ ការស្រឡាញ់ អរណាស់ រំភើបណាស់ ភ្លេចខ្លួនក៏មកដល់ច្រាំងរួចចុះទៅ ឯសំពៅរបស់គេម្នាក់នោះក៏ថយទៅវិញបាត់ដែរ ។ ការស្រឡាញ់ពិបាកចិត្តម្ដងទៀត ព្រោះខ្លួនរវល់តែអរពេក មិនទាន់នឹងបានអរគុណគេ ហើយមិនទាំងនឹងស្គាល់ថាគេនោះជានរណាទៀត! គេដើរបណ្ដើរសួរខ្លួនឯងបណ្ដើរ បន្ទោសខ្លួនឯង បណ្ដើរ ហើយក៏ជួបនឹងបង Wisdom ក៏សួរ តើបងដឹងថាគេជានរណាទេ ? ខ្ញុំចង់អរគុណគាត់! Wisdom ញញឹម ហើយក៏និយាយថា គេមិនត្រូវការអ្វីពីបងនោះទេ សុំត្រឹមតែបងមានសេចក្ដីសុខទៅ នោះគេសប្បាយចិត្តណាស់ទៅហើយ ។ គេនោះគឺជាពេលវេលា មានតែពេលវេលាទេទើបដឹងថា ការស្រឡាញ់ត្រូវការអ្វី! មានតែពេលវេលាទេទើបដឹងថា ការស្រឡាញ់មានតម្លៃកម្រិតណា!ស្នេហាដែលលាក់ខ្លួន នឹងអាចបង្ហាញនៅពេលអ្នកឈប់ភ័យខ្លាច
ទំលាយកំផែងការខ្លាចរបស់អ្នកបាន អ្នកនឹងជួបស្នហាដែលកំពុងលាក់បំពួន ។ អ្នកសំលឹងមិនឃើញស្នេហាទេ បើសិនជាអ្នកមិនហ៊ានទំលាយកំផែងការខ្លាចជាមុនទេ អ្នកនឹងមិនមានអារម្មណ៍ដល់ភាពទន់ភ្លន់ និង ផ្អែមល្អែមរបស់សេចក្ដីស្នេហាបានឡើយ ។ ពេលស្នហាដើរចូលមកដោយរាក់ទាក់ ចូរអ្នកហ៊ានបើកចិត្តទទួល និងធ្វើអារម្មណ៍ទទួលស្គាល់ជាមួយវា កុំខ្លាច… ព្រោះរឿងដែល អាចនឹងធ្វើអោយយើងខូចចិត្តច្រើនជាទីបំផុតក៏ជារឿងដែលអាចនឹងធ្វើឲ្យយើងមានសេចក្ដីសុខបានដូចគ្នា ។ពេលខ្លះជីវិត ក៏ត្រូវមានការប្រថុយខ្ពស់ណាស់ ដើម្បីរឿងដែលកំពុងរង់ចាំ ចាំទុកជានិច្ចថា យើងមិនមែនជាមេបញ្ហាតែយើងជាផ្លូវចេញ ចាំទុកជានិច្ចថាជីវិតតែងតែមានបញ្ហាតែយើងមានផ្លូវចេញជានិច្ច ពេលវេលានៃសេចក្ដីស្នេហា
មានពេលមួយ មានលោកគ្រូម្នាក់ និង សិស្សម្នាក់អង្គុយលេងនៅក្រោមដើមឈើជិតវាលស្មៅមួយ ។ បន្ទាប់មកសិស្សបានសួរលោកគ្រូថាកូនសិស្ស ៖ លោកគ្រូ! ខ្ញុំមិនយល់រឿងមួយ តើយើងស្វែងរកមិត្ត 100 ឆ្នាំបានដោយរបៀបណា លោកគ្រូជួយប្រាប់ខ្ញុំផងបានទេ ?លោកគ្រូគិតមួយសន្ទុះ រួចឆ្លើយ ៖ វាគឺជាសំណួរដែលងាយនឹងឆ្លើយណាស់…កូនសិស្ស ៖ តែពិបាកគិតណាស់
លោកគ្រូ ៖ មើលទៅផ្លូវនោះទៅ វាមានស្មៅច្រើនណាស់ ហើយអ្វីក៏ឯងមិនដើរទៅទីនោះ កុំបកក្រោយអោយសោះ គឺ ដើរទៅត្រង់រហូត ។ នៅតាមផ្លូវឯងត្រូវព្យាយាមរកផ្កាស្មៅដែលស្អាតមកឲ្យគ្រូ តែគ្រូយកតែមួយទេ ។
កូនសិស្ស ៖ បាន តែលោកគ្រូចាំខ្ញុំនៅទីនេះហើយ… និយាយរួចកូនសិស្សក៏ដើរចេញទៅ
មួយសន្ទុះក្រោយមក..
កូនសិស្ស ៖ ខ្ញុំមកវិញហើយលោកគ្រូ…
លោកគ្រូ ៖ អ្ហេ… តែគ្រូដូចជាមិនឃើញផ្កានៅនឹងដៃឯងសោះ
កូនសិស្ស ៖ នៅក្នុងការធ្វើដំណើររបស់ខ្ញុំ ខ្ញុំបានឃើញផ្កាស្មៅដែលស្អាតតែ ២ ៣ ទេ តែខ្ញុំគិតថាចង់ស្វែងរកផ្កាដែលស្អាតជាងនេះ ដូច្នេះហើយខ្ញុំមិនបេះវាទេ ។ ខ្ញុំមិនដឹងសោះថាខ្ញុំបានមកដល់ចង់វាលស្មៅទៅហើយ ហើយខ្ញុំក៏មិនបានបេះផ្កាស្មៅបាន១ដែរ ព្រោះលោកគ្រូប្រាប់ខ្ញុំមិនឲ្យត្រឡប់ក្រោយ ខ្ញុំក៏មិនត្រឡប់ក្រោយទៅ !
លោកគ្រូ ៖ នេះគឺជាអ្វីដែលកើតឡើងនៅក្នុងជីវិតពិតហើយ !
- ស្មៅ គឺ ជាមនុស្សដែលនៅជុំវិញខ្លួនយើង
- ផ្កាស្មៅ គឺជាមនុស្សដែលទាក់ទាញសម្រាប់យើង
- វាលស្មៅ គឺជាពេលវេលា
នៅក្នុងការស្វែងរកមិត្ត 100 ឆ្នាំ ចូរកុំធ្វើការប្រៀបធៀបហើយគិតថាយើងនឹងរកបានអ្នកដែលល្អបំផុតធ្វើជាគូ ប្រសិនបើធ្វើដូចនេះ គឺបានន័យថាអ្នកខ្លះខ្ចាយពេលវេលាហើយ ព្រោះថា ពេលវេលាមិនអាចវិលត្រឡប់ថយក្រោយបានទេ… ដូច្នេះហើយត្រូវព្យាយាមទទួលយកនូវអ្វីដែលនាងឬ គាត់មាន ។
គុណសម្បត្តិស្ត្រីដែលបុរសចង់រៀបការជាមួយ
សរីរាង្គល្វតល្វន់ ទន់មានលក្ខិណា ភក្ត្រាស្រស់ស្អាត មានមន្តស្នេហ៍របស់ស្ត្រី គឺ ជាចំណុចបឋមដែលទាក់ទាញបេះដូងបុរសឲ្យព្រឺព្រួច ចាប់ចិត្តស្រឡាញ់ ចង់ស្គាល់ ចង់រាប់អាន ពោលគឺបេះដូងបុរសងាយនឹងរំជើបរំជួល ព្រោះសម្រស់របស់ស្ត្រីណាស់ ។ ប៉ុន្តែសម្រស់តែម្យ៉ាង នៅមិនទាន់គ្រប់គ្រាន់ទេ ព្រោះលក្ខណសម្បត្តិ ចរិយាសម្បត្តិ គុណសម្បត្តិល្អប្រពៃទៅវិញទេ ដែលធ្វើឲ្យបុរសប៉ងប្រាថ្នាចង់រៀបការ រួមរស់ជាគូគ្រងអស់មួយជីវិត ជាមួយនារីណាម្នាក់នោះ ។បុរសចង់រៀបការជាមួយសុភាពនារីដែលមានគុណសម្បត្តិដូចខាងក្រោម ៖
- មិនឆាប់ខ្លាច ឬ តក់ស្លុតហួសហេតុពេក
- មានបេះដូងទន់ភ្លន់ រ៉ូមែនទិក
– ហ៊ានធ្វើនូវអ្វីដែលប្លែកថ្មី ឬ ចេះកែលម្អអ្វីៗឲ្យល្អប្លែកជាងមុន
– មានអារម្មណ៍កំប្លែងលេងសើច
– ចំសរសើរគេ ទាំងពេលនៅចំពោះមុខ និង កំបាំងខ្នង
– យកចិត្តទុកដាក់ចំពោះមិត្តភក្តិ និងក្រុមគ្រួសារ
– មិនរអ៊ូរទាំច្រើន
– ចុះធ្វើឲ្យគេមានអារម្មណ៍ថារូបអ្នកគឺជាមិត្តពិតប្រាកដរបស់គេ ពុំមែនគ្រាន់តែជាគូស្នេហ៍នោះឡើយ
– ចាំជួយផ្ដល់កំលាំងចិត្តដល់ខ្លួន ជានិច្ច
– ចេះចាប់អារម្មណ៍ចំពោះរឿងរ៉ាវដែលគួរឲ្យចាប់អារម្មណ៍ខ្លះផង មិនមែនធ្វើមិនដឹងមិនលឺអ្វីទាំងអស់នោះឡើយ
– ចាប់អារម្មណ៍លើរឿងដែលគេចាប់អារម្មណ៍ខ្លាំង
– កុំព្យាយាមធ្វើខ្លួនដូចជាម្ដាយទី២របស់គេ
– សុខចិត្ត ទប់ចិត្ត កុំរករឿងឈ្លោះប្រកែកជាមួយគេ នៅចំពោះមុខមិត្តភក្តិរបស់គេ ហើយរង់ចាំនិយាយវែកញែករកខុសត្រូវ នៅពេលក្រោយវិញ
– បើទោះជារូបអ្នកមិនឆ្លាតឈ្លាសវៃខ្លាំង តែក៏ត្រូវបង្ហាញឲ្យគេឃើញថា អ្នកជាមនុស្សចេះគិតពិចារណាប្រើខួរក្បាលដែរ
– ចេះអូសទាញគេ ឲ្យស្ថិតក្នុងក្រឹត្យក្រម តែមិនមែនព្យាយាមត្រួតត្រាបញ្ជាគេទេ
– កុំបន្ទោស ឬ ចំអកនូវកំហុសថ្លោះធ្លោយដែលអ្នកធ្លាប់ដាស់តឿនគេរួចមកហើយ ដូចជាប្រើពាក្យថា សមមុខហើយ ជាដើម
– កុំចេះតែង៉ក់ងរគ្រប់ពេលវេលា តែត្រូវចេះមានហេតុផលខ្លះផង
– ទុកឱកាសឲ្យគេមានពេលវេលាផ្ទាល់ខ្លួនខ្លះផង
– ចេះធ្វើអារម្មណ៍ឲ្យស្រស់ថ្លា កុំឆាប់មួរម៉ៅ ឆេវឆាវពេក
– ពូកែយកចិត្តយកថ្លើម
– មានចិត្តទូលាយ ចេះលើកលែងអភ័យទោស ជាជាងចាំតែសងសឹក
– មានចំណូលចិត្តលើរឿងផ្សេងៗរបស់គេ យ៉ាងហោចណាស់ក៏ 2-3 រឿងដែរ
– ស្រឡាញ់ខ្លួនឯង និងចេះថែទាំខ្លួនឯងឲ្យបានល្អជានិច្ច
– មានសេចក្ដីសុខជាមួយជីវិតរស់នៅ ព្រោះគ្មានបុរសណា ចង់រួមរស់ជាមួយស្ត្រីទូលទុក្ខនោះឡើយ ។
មានសង្សារល្អ ធ្វើឲ្យមានសេចក្ដីសុខក្នុងបេះដូង
គេនិយាយថាមនុស្សស្រីដែលសំណាងល្អជាទីបំផុតក្នុងលោកនេះមិនមែនជាស្រីដែលស្អាត ពូកែ ឆ្លាត ឬ កើតក្នុងត្រកូលអ្នកមានធនធាននោះទេ យ៉ាងណាក៏ដោយសេចក្ដីប្រាថ្នារបស់មនុស្សស្រីគ្រប់គ្នាក្នុងលោកគឺ មួយជីវិតនេះមានសង្សារដែលល្អ និង មានយសសក្តិម្នាក់ ហើយប្រសិនបើនរណាម្នាក់មានសង្សារបែបនេះចាត់ទុកថាគេគឺជាមនុស្សស្រីដែលគួរឲ្យច្រណែនបំផុតក្នុងលោកនេះ… អ្នកទាំងអស់គ្នាដឹងទេថា មនុស្សខ្លះមានកំលោះៗមកញ៉ែជាច្រើនសន្ធឹកសន្ធាប់ ម្នាក់នោះក៏ល្អ ម្នាក់នេះក៏សង្ហា នោះក៏ចិត្តបុណ្យ នោះក៏ផ្អែម ។ អ្នកខ្លះកើតមកមានមុខមាត់គួរឲ្យស្រឡាញ់ ជានារីដែលមានរូបជាទ្រព្យដែលគួរអោយខ្លាច ព្រោះនាងជាមនុស្សល្អ មនុស្សមិនល្អ មកញ៉ែជាច្រើន ។ មុននឹងធ្លាក់ក្នុងអន្លង់ស្នេហ៍ របស់អ្នកណាម្នាក់ គឺត្រូវតែតាំងសតិឲ្យបានល្អបន្តិច ព្រោះបើសិនជាជ្រុលស្រឡាញ់ហើយនោះគឺស្រឡាញ់ហើយ ព្រោះពេលខ្លះដឹងហើយថាគេនោះមិនល្អកែធ្វើអោយអ្នកខូចចិត្តម្ដងហើយម្ដងទៀត និង អាចដល់ដំណាក់កាលខូចអនាគត់ ។ ទីបំផុត… អ្នកខ្លះអាចបែងចែកមិនត្រូវថាបែបណាដែលគេហៅថាសង្សារដែលល្អនោះទេ ។ មនុស្សស្រីខ្លះសេពគប់មនុស្សប្រុសតាំងតែពីវ័យជំទង់ ហើយក៏ជួយថែរក្សាសេចក្ដីស្នេហារបស់ពួកគេរហូតទាល់តែធំជាមនុស្សចាស់ទុំមានអនាគតដែលល្អរួមគ្នា ។<!– –>
ចាញ់ គឺមានន័យថាមិនទាន់ឈ្នះប៉ុណ្ណោះ
ថ្ងៃដែលទន្សាយរត់ប្រណាំងជាមួយអណ្ដើក នរណាៗក៏ចាប់យកខាងទន្សាយដែរ… ព្រោះទន្សាយមានផ្លូវឈ្នះច្រើន គឺច្បាស់ខ្លាំងណាស់ ច្បាស់ជាង Manu ប្រគួតជាមួយ Asenal ទៅទៀត ។ អណ្ដើក ចាញ់ តាំងតែពីមិនទាន់ចូលទីលានប្រកួតម្លេះ។ ចាញ់ដោយការកាត់ក្ដីដោយខ្សែភ្នែក ព្រោះមនុស្សយើងវាស់ ភាពលឿនដោយសារ កំលាំងជើង ច្រើនជាង កំលាំងប្រាជ្ញា ។ ប្រសិនបើអណ្ដើក ព្រមលើកទង់ស ទាំងពេញចិត្តថាចាញ់ទន្សាយតាំងពីមិនទាន់ប្រណាំងនោះ អណ្ដើកប្រហែលជាអស់ទឹកចិត្តក្នុងការប្រកួតបាត់ទៅហើយ ព្រោះវាមានភាពទន់ខ្សោយក្នុងចិត្តវាមុនទៅហើយ ។តែអណ្ដើកប្រហែលជាចាញ់បាន ទាល់តែលែងទាល់គំនិតទៅហើយទើបព្រមទទួលសារភាពថាខ្ញុំជាអណ្ដើកពិតប្រាកដ គតិប្រចាំខ្លួនរបស់វាគឺ ចាញ់គឺ គ្រាន់តែមិនទាន់ឈ្នះប៉ុណ្ណោះ មិនមែនមានន័យថា ចាញ់គឺ ចាញ់រហូតនោះទេ ។ កំលាំងបញ្ញា ក្លាយជាកម្លាំងចិត្ត ដែលរត់លឿនជាងការ ប្រមាទ ។ ឈ្នះមានន័យថា ចិត្តហ៊ាន ។ អណ្ដើកគិតហើយក៏ដើរចេញ តេះតះ ដោយកម្លាំងដែលជំរុញពីចិត្តរបស់វាថា តស៊ូវើយ ហើយវានិយាយជាមួយខ្លួនឯងរហូតនៅតាមផ្លូវ ។ទន្សាយអាចធ្លាប់ ទទួលដឹងពីអារម្មណ៏ សប្បាយចិត្តនៅពេលដែលទទួល ជ័យជំនះ ដែលអណ្ដើកមិនធ្លាប់បានទទួលម្ដងណាឡើយ ។ តែប្រហែលជាមានមួយលើក ដូចគ្នាដែលទន្សាយនឹងបានស្គាល់បីភាពរឹងមាំពី ការចាញ់ ដែលអណ្ដើកតែងតែទទួលរហូតមក តែថាពេលនេះអ្នកជា ទន្សាយ ឬ អណ្ដើក ? ប្រសិនបើគិតថាខ្លួនឯងជា ទន្សាយ គឺត្រូវគិតឲ្យបានថា អណ្ដើក គឺ ទន្សាយ ។ បើឈ្នះ គឺគ្រាន់តែមិនទាន់ចាញ់ តែបើ ចាញ់ គឺគ្រាន់តែនៅមិនទាន់ឈ្នះប៉ុណ្ណោះ ។សូមចាំទុកណា!
កុមារី សុភា (ជាឈ្មោះថ្មី មិនមែនជាឈ្មោះពិតទេ) មានអាយុ ១៥ ឆ្នាំប៉ុណ្ណោះ ។ នាងគឺជាកុមារដែលទើបនឹងមកដល់ថ្មី នៅក្នុងមណ្ឌលខេត្តបាត់ដំបង ជាមណ្ឌលស្នាក់នៅ ដែលទទួលការឧបត្ថម្ភពី អង្គការទស្សនៈពិភពលោក សម្រាប់កុមារីរងគ្រោះដោយការជួញដូរផ្លូវភេទ ។ រាល់ពេលនាងនិយាយប្រាប់ពីរឿងរ៉ាវដែលកើតឡើងលើនាង រឿងទាំងនោះមានលក្ខណៈខុសគ្នា បន្តិចបន្តួចក្បែរៗនឹងរឿងរ៉ាវពិតរបស់គាត់ ។ វាមិនមែនជាការងាយស្រួលទេ សម្រាប់ជនរងគ្រោះដោយការជួញដូរផ្លូវភេទ ក្នុងការទទួលស្គាល់នូវសេចក្ដីល្ងង់ខ្លៅដែលគេធ្លាប់មាន និងភាពងាយស្រួលបែបណា ដែលពួកគេត្រូវបានបោកបញ្ឆោតនៅតាមផ្លូវ ។
បើបង្កើតនាងមកហើយ ម្ដេចមិនឲ្យនាងមានគ្រប់លក្ខណៈជាមនុស្ស បែរជាឲ្យនាងគ្មានអវយវៈទៅវិញ ? ទាំងនេះគឺជាព្រហ្មលិខិតដែលលោកបានកំណត់ឲ្យនាងឬ ? ហ៊ ស្រីវុន ចង់ជម្នះនឹងព្រហ្មលិខិតដែលកំហិតឲ្យនាងជាស្រីពិការ…. នាងបានតស៊ូសិក្សារៀនសូត្រ ទោះបីជាជីវិតជួបការលំបាកយ៉ាងណាក៏ដោយ ពីព្រោះនាងចង់ក្លាយខ្លួនជាគ្រូបង្រៀនម្នាក់។នាង ហ៊ ស្រីវុន មានអាយុ ២២ ឆ្នាំ រស់នៅភូមិព្រៃពៀរ ឃុំឈូកស ស្រុកកំពង់ត្រឡាច ខេត្តកំពង់ឆ្នាំង នាងបានតស៊ូរស់យ៉ាងលំបាកវេទនាប្រឆាំងនឹងព្រហ្មលិខិតដែលបានដាក់ទណ្ឌកម្មមកលើរូបនាង ប៉ុន្តែនាងមិនទាន់ដឹងថា ការតស៊ូប្រឆាំងនឹងព្រហ្មលិខិតរបស់នាងនោះ វាបានដូចបំណងរបស់នាងដែរឬយ៉ាងណា ? បើក្រុមគ្រួសាររបស់នាងជួបតែទុក្ខសោកឥតដាច់តាំងពីនាងដឹងក្ដីកាលណាមក។
ពពកដ៏ងងឹតបានរសាត់ទៅហើយ ឆាកជីវិតដែលពោរពេញដោយក្ដីឈឺចាប់វាបានរលាយទៅបាត់បន្តិចម្ដងៗពីជីវិតរបស់នាង ស.ភ.ណ ប៉ុន្តែការឈឺចាប់ និង សេចក្ដីទុក្ខសោក វាបានដក់ជាប់នៅក្នុងក្រអៅបេះដូងរបស់នាងគ្មានថ្ងៃបំភ្លេចបានឡើយ។ ជារៀងរាល់ថ្ងៃឲ្យតែពេលរាត្រីចូលមកដល់បានធ្វើឲ្យនាងគេងរសាប់រសល់ស្រមៃទៅដល់រឿងឈឺចាប់ដែលធ្លាប់កើតមកលើរូបនាងនាពេលកន្លងមក។
ខេត្តសៀមរាប ៖ ចាប់តាំងពីថ្ងៃទី២៤ វិច្ឆិកាមក នៅប្រាសាទអង្គរវត្ត មានសំដែងសិល្បៈជាទ្រង់ទ្រាយធំមួយ រៀងរាល់រាត្រី ដែលរៀបចំដោយស្ថានីយវិទ្យុនិងទូរទស្សន៍បាយ័ន សហការជាមួយក្រុមហ៊ុន Bayon CM ក្រសួងទេសចរណ៍ និងអាជ្ញាធរអប្សរា ដោយមានការគាំទ្រពីក្រសួងវប្បធម៌និងវិចិត្រសិល្បៈ។ កម្មវិធីនេះទទួលបានការគាំទ្រពីសំណាក់ភ្ញៀវជាតិនិងអន្តរជាតិជាច្រើន ហើយនឹងបន្តរហូតដល់ថ្ងៃទី២០ មករាឯណោះ។
ចង់ក្លាយជាឪពុកម្តាយល្អមិនមែនជាការងាយស្រួលប៉ុន្មានទេ ជាពិសេសនៅពេលដែលនិយាយរឿងទំនាក់ទំនងផ្លូវភេទ និងសេចក្តីស្នេហាជាមួយកូន។ 
ក្រុមអ្នកពិសោធន៍មហាវិទ្យាល័យ ហាវ៉ាត ដ៏ល្បីឈ្មោះរបស់សហរដ្ឋអាមេរិក បានធ្វើការសិក្សារកឃើញថា មាតាដែលកំពុងតែពរផ្ទៃ គួរតែទទួលទានត្រីឲ្យបានច្រើនប្រភេទ ប្រសិនបើចង់ឲ្យកូនដែលកំពុងស្ថិតនៅក្នុងផ្ទៃកើតមក មើលពិភពលោកប្រកបដោយខួរក្បាលឈ្លាសវ៉ៃនោះ។
“សេចក្តីស្នេហា ឬ ការស្រឡាញ់” ជាប្រតិកម្មនៃផ្នែកអារម្មណ៍ម្យ៉ាងរបស់មនុស្សដែលសម្តែងចេញមកលើបុគ្គល ឬវត្ថុ ដែលខ្លួនស្រឡាញ់។ សេ្នហា ឬ ការស្រឡាញ់របស់យុវវ័យ គឺជាអ្វីដែលចម្លែក និងមានអ្វីគួរឲ្ភ្ញាក់ផ្អើលជាច្រើន ដូចជា ស្នេហារវាងភេទផ្ទុយគ្នា ជាស្នេហាដែលកើតឡើងដោយសារអ័រមូនភេទ ដូច្នេះគេអាចបែងចែកស្នេហារបស់យុវវ័យជា៤ប្រភេទធំៗដូចខាងក្រោម ៖1- ការស្រឡាញ់ខ្លួនឯង កើតមកពីការឃើញភាពសំខាន់របស់ខ្លួនឯង និងមានចំណាប់អារម្មណ៍លើខ្លួនឯង (គេអាចសង្កេតឃើញ
កា់រពិសាកាហ្វេ១ថ្ងៃ ៤ពែង អាចជួយកាត់បន្ថយអត្រាប្រឈម នឹងជំងឺសន្លាក់ឆ្អឹងបាន ៤០% ព្រោះតាមការសិក្សានៅសហរដ្ឋអាមេរិក បានបញ្ផាក់ថា សារធាតុចម្រាញ់ពីកាហ្វេ
ស្រ្តីមានផ្ទៃពោះ ត្រូវការបំប៉នសុខភាព ទ្រទ្រង់រាងកាយខ្លួនឯង និងកូនក្នុងផ្ទៃ ការទទួលទានបន្លែស្រស់ ផ្លែឈើស្រស់ អាហារប្រភេទត្រី ឬសូម្បីតែភេសជ្ផៈ
ប្រភពពី Daily Time បានដកស្រង់ការសិក្សា ស្រាវជ្រាវមួយនៃក្រុមអ្នកស្រាវជ្រាវ មកពីសាលារៀន សុខភាពសាធារណៈ ហារវ៉ាដ (Harvard School of Public Health)
ប្រភពពី BBC ដែលបានយោងតាមរបាយការសិក្សា ស្រាវជ្រាវមួយ បោះពុម្ពផ្សាយ ក្នុងព្រឹត្តិបត្រ Cancer Research បានអោយដឹងថា ក្រុមអ្នកវិទ្យាសាស្រ្តនៅ Dumn Human
ប្រភពពត៌មាន Health Day News បានដកស្រង់ ការណែនាំរបស់មន្រ្តី
ប្រសិនបើធ្វើនៅពេលដែលផ្ទៃពោះមានអាយុតិចជាង ១២ សបា្តហ៍ និងធ្វើដោយគ្រូពេទ្យដែលទទួលបានការបណ្តុះបណ្តាលត្រឹមត្រូវ ។ ការរំលូតកូននេះ ជួនកើតឡើងដោយឯកឯងដែលគេហៅថា រលូត ។ ជួនកាលទៀតកើតឡើងដោយគេពន្លូតចោល ។ ករណីបែបនេះគេហៅថាការរំលូត ។
ឯកា
ពុទ្ធោអើយ
ស្រ្តីកម្ពុជា 
