ភ្លាមឹកក្លាស្សេគ្រឿងផ្សំ
មឹកស្រស់ ៥០ ក្រាម, ប៉េងប៉ោះផ្លែតូចៗ ២៥ ក្រាម, ខ្ទឹមបារាំង ១ ភាគ ៤
ចំណិត, ដើមខ្ទឹម ១ ដើម ខ្ញី ២ បន្ទះ, ខ្ទឹមស ២ កំពឹស, ម្ទេសទុំ ១ ផ្លែ។
គ្រឿងផ្សំរសជាតិ
ទឹកត្រី ១ ស្លាបព្រាកាហ្វេ, ទឹកក្រូចឆ្មារ២ ស្លាបព្រាកាហ្វេ និងម្សៅស៊ុបខ្នរ ១ ស្លាបព្រាកាហ្វេ។
វិធីធ្វើ
១.មឹកស្រស់លាងទឹកឲ្យស្អាត ហើយហាន់ជាចម្រៀកវែងៗ ព្រមទាំងឆូតជា
កង់ៗទៀតផង។ បន្ទាប់មកទៀត ត្រូវស្ងោរឲ្យឆ្អិន រួចហើយស្រង់ចេញ និង យក
ទៅក្លាស្សេទឹកកកទុកប្រើការ។
២.ផ្លែប៉េងប៉ោះហាន់ជាកង់ៗ, ខ្ទឹមបារាំងហាន់ជាចម្រៀកៗ, ដើមខ្ទឹម, ខ្ញី, ខ្ទឹមស
និងម្ទេសទុំចិញ្ច្រាំឲ្យម៉ដ្ឋទុកប្រើការ។
៣.ត្រូវលាយគ្រឿងផ្សំ និង គ្រឿងផ្សំរសជាតិច្របល់ចូលគ្នា និង ដួសដាក់ក្នុង
ចានទាបទុកជាការស្រេច៕
តុមយ៉ាំបង្គា
គ្រឿងផ្សំ
បង្កា ៤០០ ក្រាម , ផ្សិតចំបើង ១៥០ ក្រាម, ប៉េងប៉ោះទុំ ១ ផ្លែង។
គ្រឿងផ្សំបន្ថែម (១)
ខ្ទឹមស ១៥ ក្រាម, ខ្ញី ៣ បន្ទះ, ទឹក ៤ ចានចង្កឹះ, ខ្ទឹម ?ក្រហម ២ កំពឹស, គល់ស្លឹកគ្រៃ ២ គល់។
គ្រឿងផ្សំបន្ថែម (២)
ម្ទេសប្លោកទុំ ១ ផ្លែ, ម្ទេសបូកគោ ១ ផ្លែ, ដើមខ្ទឹម ១ ដើម និងស្លឹកក្រូចសើច ៥ សន្លឹក។
គ្រឿងផ្សំរសជាតិ
ទឹកបង្គាហឹរ ២ ស្លាបព្រាបាយ, ទឹកម្ទេស ១ ស្លាបព្រាកាហ្វេ, ទឹកក្រသ?ចឆ្មារ ១ ភាគ
៤កែវ, ទឹកត្រីកន្លះកែវ, ស្ករកន្លះស្លាបព្រាបាយ និងដុំស៊ុបខ្នរ ១ដុំ។
វិធីធ្វើ
១- បកសម្បកបង្គា និងឆូតខ្នងយកសរសៃចេញឲ្យស្អាត, ហាន់ប៉េងប៉ោះជាដុំៗ
, ពុះផ្សិតចំបើងជាពីរ (បើក្រពុំធំ)។
២- ចាក់គ្រឿងបន្ថែម (១) ចូលក្នុងឆ្នាំង និងស្ងោរឲ្យពុះរួចហើយចាក់គ្រឿង
ផ្សំរសជាតិចូលស្ងោររម្ងាស់បន្តិច ទើបជាចុងក្រោយចាក់គ្រឿងផ្សំបន្ថែម (២)
ចូលទុកជាការស្រេច៕
ស៊ុបគោក្ដៅ
គ្រឿងផ្សំ
សាច់គោ (សាច់ត្រយូងចេក) ៤៥០ ក្រាម, ទឹក ៦ កែវ, ម្ទេសទុំ ១ផ្លែ, ខ្ញី ៦
បន្ទះ, ស្រាមួយស្លាបព្រាបាយ។
គ្រឿងផ្សំរសជាតិ
ម្រេចម៉ដ្ឋ ១ ចុងស្លាបព្រាកាហ្វេ, ខ្ទឹមបារាំងហាន់ឲ្យម៉ដ្ឋ ១ស្លាបព្រាបាយ, អំបិល១
ស្លាបព្រាកាហ្វេកន្លះ, ដុំស៊ុបខ្នរ ១ដុំ, ជីរនាងវង (ហាន់ហើយ) ២ស្លាបព្រាបាយ។
វិធីធ្វើ
១- ហាន់សាច់គោជាបន្ទះក្រាស់ៗ
២- ចាក់គ្រឿងផ្សំទាំងអស់ចូលក្នុងឆ្នាំង ហើយស្ងោរទាល់តែទឹកពុះ ទើបបន្ថយ
ភ្លើងបន្តិច ហើយរម្ងាស់ប្រហែលជា ១ ម៉ោងទៅ ១ ម៉ោងកន្លះ ទើបពន្លត់ភ្លើង
និងចាក់គ្រឿងផ្សំរសជាតិចូលទុកជាការស្រេច៕
ឆាម្រះសាច់កង្កែប
គ្រឿងផ្សំ
សាច់កង្កែប ៥០០ ក្រាម, ម្រះ ១ ផ្លែ, ដើមខ្ទឹម ២ ដើម, មើមខ្ទឹមស ៣ កំពឹស,
អំបិល ១ ស្លាបព្រាកាហ្វេ, ម្រេចម៉ដ្ឋ កន្លះស្លាបព្រាកាហ្វេ, ម្សៅឆា ២ ស្លាបព្រា
បាយ, ស្រា ១ ស្លាបព្រាកាហ្វេ, បဟ?រេងល្ងកន្លះស្លាបព្រាកាហ្វេ និងម្សៅស៊ុបខ្នរ
១ ស្លាបព្រាកាហ្វេ។
វិធីធ្វើ
១- ពុះផ្លែម្រះជាពីរ ដោយខ្វេះស្នូល និងគ្រាប់ចេញ រួចហើយមួយចំហៀង
ត្រូវច្រៀកជា៣ ចម្រៀក និងហាន់ជាបន្ទះចំណិតស្ដើងៗ ទើបយកទៅស្រុស
និងទឹកក្ដៅ និង លាងទឹកត្រជាក់ជាចុងក្រោយទុកប្រើការ។
២- លាងកង្កែបឲ្យស្អាត រួចកាប់ជាដុំធំៗ បន្ទាប់មកត្រូវប្រឡាក់ជាមួយនិង
អំបិលកន្លះស្លាបព្រាកាហ្វេ, ម្រេចម៉ដ្ឋ, ម្សៅឆា ផ្អាប់ទុកមួយសន្ទុះទុកប្រើការ។
រីឯមើមខ្ទឹមសត្រូវដំឲ្យម៉ដ្ឋ និង ហាន់ដើមខ្ទឹមជាកង់ៗទុកប្រើការ។
៣- ដាក់ខ្លាញ់ ឬ ប្រេងឆាសម្រាប់បំពងសាច់កង្កែប ពេលឆ្អិនស្រួលបួលត្រូវ
ដួសចេញ។
៤- ក្នុងខ្ទះត្រូវទុកខ្លាញ់ ឬ ប្រេងឆាប្រហែលជាមួយស្លាបព្រាបាយ រង់ចាំខ្ទះ
ក្ដៅហុយផ្សែងចသ?ក់ខ្ទឹមស និង ដើម្បីខ្ទឹមចូលឆាយកក្លិនឈ្ងុយ ទើបចាក់
សាច់កង្កែបចូលឆាត្រឡប់ចុះឡើង ចាក់ស្រា និងម្រះចូលឆាហើយបង់
អំបិល ស្ករ ម្សៅស៊ុប និងចុងក្រោយស្រោចប្រេងល្ង និងដួសដាក់ចានមក
ទទួលបាន៕